23 снежня ў Цэнтры карэкцыйна-развіваючага навучання і рэабілітацыі Глыбоцкага раёна панавала асаблівая, святочная атмасфера. Дзеці разам з валанцёрамі завіталі да выхаванцаў, каб павіншаваць іх з надыходзячым Раством і падарыць часцінку цеплыні і радасці.

Для дзяцей быў падрыхтаваны невялікі, але вельмі шчыры канцэрт. Гучалі песні, усе разам танцавалі, смяяліся і дзяліліся добрым настроем. У гэты дзень не бракавала цёплых слоў, усмешак і шчырых эмоцый, якія аб’ядналі ўсіх прысутных.

Прыемным фіналам сустрэчы стала ўручэнне салодкіх падарункаў ад Карытас Віцебск: нашы Анёлкі парадавалі кожнага выхаванца невялікімі, але вельмі жаданымі сюрпрызамі. Свята атрымалася светлым і незабыўным — шчаслівымі засталіся і дзеці, і валанцёры, і ўсе, хто стаў часткай гэтага цудоўнага каляднага дня.

Дар’я Іваноўская, Catholicnews.by