Каритас

21 жніўня 40 дзяцей з парафіі святога Апостала Андрэя (гп. Лынтупы) ездзілі на экскурсію ў парк-музей інтэрактыўнай гісторыі Сула.

   Спачатку групу ўрачыста сустрэлі з конным эскортам пад жывую музыку і запрасілі акунуцца ў гісторыю Беларусі ў суправаджэнні экскурсавода. Дзеці і моладзь наведалі пляцоўку мегалітычнай культуры кромлех, пляцоўку язычніцтва і капішча. 

   Далей прыстань варагаў. Дзяцей пракацілі па рацэ на драккары, затым яны азнаёміліся са сярэднявечным кварталам. Групе распавялі гісторыю замка. Наведалі млын і ганчароў, дзе наглядна паказалі, як робяцца вырабы з гліны. Наведалі зброевую майстэрню, дзе прымалі ўдзел у каванні наканечніка на стралу. Затым разам з майстрам раскалолі камень.

   Скончылася падарожжа эпохай шляхецтва. Дзеці агледзелі залу шляхецкай Славы.

   Дзецям і дарослым вельмі спадабалася экскурсія. Па дарозе дадому ўсе дзяліліся сваімі ўражаннямі.

26 жніўня была арганізаваная паездка ў аквапарк у г. Мінск.

   У паездку адправіліся 16 старэйшых дзяцей, якія актыўна прымаюць удзел у жыцці Касцёла. Юнакі служаць пры алтары міністрантамі, а дзяўчынкі спяваюць у хоры. Гэта была падзяка для іх за дапамогу.

   У аквапарку моладзь на працягу 3 гадзін каталася на горках і плавала ў басейне. Пасля аквапарку ўсе стомленыя і галодныя, але шчаслівыя пайшлі ў Макдональдс. Паездка вельмі спадабалася.

   Вялікі дзякуй спонсарам за дастаўленае задавальненне.

Няхай Пан Бог адорыць вас і вашыя сем'і ўсімі патрэбнымі ласкамі, а Святая Марыя аберагае вас ад усяго злога!