У свята Трох Каралёў дзеці і моладзь з парафіі Святога Андрэя Апостала ў г.п. Лынтупы (Віцебская дыяцэзія) падрыхтавалі міні-спектакль «Нараджэнне Езуса».

Падчас сцэнкі падарожнік распавёў сучаснай дзяўчынцы як усё было падчас нараджэння Езуса, а нашы акцёры паказалі гэта. У канцы дзяўчынкі-сняжынкі павіншавалі маленькага Езуса сваім танцам.

За іх старанне і талент былі ўзнагароджаны салодкімі падарункамі. Актыўны ўдзел у мерапрыемстве прынялі дзеці з праекта "Дапамога дзецям", хтосьці быў акцёрам, а хтосьці - гледачом, усе атрымалі масу задавальнення і ўражанняў ад мерапрыемства.

Дзякуем спонсарам за дапамогу ў арганізацыі мерапрыемства.

Таксама дзеці і моладзь павіншавалі пажылых парафіян з Божым Нараджэннем. Апроч сувеніраў, яны падарылі ім радасць, сваю любоў і добры настрой.

Дзякуем усім, хто далучыўся да спраў міласэрнасці.