16 лістапада ў віцебскім касцёле Святога Духа адбылося ўзнагароджанне ўдзельнікаў.

Сёлета ў конкурсе прынялі ўдзел больш за 40 мастакоў і мастачак з парафій Віцебска, Варапаева, Браслава, Маладзечна, Дзятлава, Новалукомля, Паставаў, Мазалава, Кордану, Глыбокага. Былі таксама прадстаўнікі Мінска-Магілёўскай архідыяцэзіі.

Мерапрыемства пачалося з Эўхарыстыі, якую ўзначаліў біскуп Алег Буткевіч. На пачатку Імшы біскуп падзякаваў Дабрачыннай каталіцкай рэлігійнай місіі Карытас Віцебскай дыяцэзіі, яе дырэктару кс. кан. Віктару Місевічу за арганізацыю конкурсу і парафіі Святога Духа на чале з кс. кан. Валерыем Марціноўскім за гасцінны прыём. Таксама Яго Эсцэленцыя напомніў удзельнікам мэту конкурсу “Гэты 2025 год - абвешчаны годам надзеі. Ён нагадвае нам пра нашу галоўную мэту – Божае Валадарства, якое мае надысці. Праз гэту вялікую ласку, мы самі з’яўляемся пілігрымамі надзеі. Заклікаю вас не толькі жыць гэтай надзеяй на хуткае спатканне з Хрыстом, але быць яе сведкамі для іншых", - сказаў іерарх.

За некалькі дзён да ўрачыстага падвядзення вынікаў, журы ў складзе а. Міхала Ермашкевіча ОР, кс. кан. Сяргея Сурыновіча і Алесі Арловай ацанілі працы ўдзельнікаў і вызначылі пераможцаў.

Узнагароджванне пачалося ўручэннем дыпломаў удзельнікаў. Толькі пасля гэтага наступіў доўгачаканы момант аб’яўлення пераможцаў, якія вызначыліся наступным чынам:

Малодшая катэгорыя (6 – 10 год):

• 1 месца  - Янушонак Віялета(Віцебск, парафія св. Антонія Падуанскага);
• 2 месца  - Сафіна Ева(Віцебск, парафія Езуса Міласэрнага);
• 3 месца  - Краснякова Сафія(Браслаў, парафія Нараджэння Панны Марыі);

2 катэгорыя (11-17 год):

• 1 месца - Шыцік Ульяна(Маладзечна, парафія св. Юзафа);
• 2 месца - Урбель Тадэвуш(Віцебск, парафія Езуса Міласэрнага);
• 3 месца - Ермак Лізавета(Мазалава);

3 катэгорыя (18 гадоў і старэй):

• 1 месца - Бярдоўская Ірына(Віцебск, парафія Езуса Міласэрнага);
• 2 месца - Званскі Андрэй(Віцебск, парафія св. Уладзіслава);
• 3 месца - Бярдоўская Рэната(Віцебск, Езуса Міласэрнага).

Падчас уручэння дыпломаў пераможцы мелі магчымасць прадставіць сваю працу.

Акрамя гэтага, падчас афіцыйнай часткі былі вызначаны пераможцы ў намінацыі “Прыз сімпатый гледачоў”. Дзякуючы гэтаму кожны прысутны меў магчымасць адзначыць працу, якая найбольш спадабалася і адчуць сябе пачутым. Пераможцам у гэтай намінацыі стала Бутаровіч Ліза з парафіі св. Уладзіслава ў Віцебску.

Дырэктар Карытас Віцебск кс. кан. Віктар Місевіч таксама адзначыў любімы малюнак. Гэта была праца Ермак Лізаветы, якая намалявала пераход Майсея праз Чырвонае мора.

Пасля завяршэння афіцыйнай часткі прысутныя паўдзельнічалі ў танцавальнай імпрэзе, якую арганізавала валанцёрка Карытас Вілія. Таксама кожны меў магчымасць зрабіць сябе невялікі сувенір на памяць падчас мастацкага майстар-класу.

Лаліта Арлоўская, тэкст;

Ужгародскі Аляксандр, фота.