Ва ўрачыстасць Аб’яўлення Пана, 6 студзеня, маладыя валанцёры на чале з дырэктарам Карытас Віцебскай дыяцэзіі наведалі дзяцей з абмежаванымі магчымасцямі ў спецыялізаваным доме дзіцяці і павіншавалі іх са святам Божага Нараджэння.

Галоўным пунктам віншавальнай праграмы стала інтэрактыўная батлейка з выкарыстаннем роставых лялек, праз якую дзецям, іх родным і супрацоўнікам спецыялізаванага цэнтра нагадалі пра сэнс Божага Нараджэння.

Пасля гэтага ўважлівыя гледачы паўдзельнічалі ў невялікай віктарыне і атрымалі салодкія падарункі.