У суботу, 18 студзеня ў кавярні пры касцёле Езуса Міласэрнага ў Віцебску Карытас Віцебскай дыяцэзіі арганізаваў свята для людзей з абмежаванымі магчымасцямі.

Святочная праграма пачалася з прадстаўлення інтэрактыўнай батлейкі з роставымі лялькамі, якую падрыхтавалі маладыя валанцёры Карытас на чале з сястрой Мажэнай Вельгус BDNP, спявання калядак і навагодніх песень.

Пасля гэтага госці былі запрошаны да стала. На свяце прысутнічаў біскуп Алег Буткевіч, які благаславіў ежу і пажадаў добрага настрою, а на працягу ўсяго святкавання суправаджаў мерапрыемства.

Пасля смачнага абеду госці ўдзельнічалі ў шматлікіх конкурсах, спяваючы і танцуючы разам.

Напрыканцы праграмы свята наведалі Дзед Мароз са Снягуркай, якія павіншавалі прысутных з Новым годам і раздалі салодкія падарункі.

Аляксандр Ужгарадскі, фота
Лаліта Арлоўская, тэкст